Feinchreis staht für frisch zuebereiteti Buechweizecrêpes mit riichhaltige Füllige. Mit eusem mobile Crêpesstand sind mir a verschiedene Ort i de Stadt Züri aztreffe. Gern serviered mir eusi salzige und süesse Kreatione aber au a private Aaläss und öffentliche Events.
«Verchaufsdate werded, wänn vorhande, uf de Startsite aazeigt»
* optional mit Ei
«Mir beziehnd eusi Zuetate fascht usschliesslich in Schwiizer Bio-Qualität direkt vom Hof. Eusi Kreatione sind gluetefrei und uf Wunsch au vegan erhältlich»
Gern verköschtiged mir diich, dini Fründe, Gescht oder Mitarbeiter mit eusne Kreatione. Mir freued eus über Afrage per Email und erstelled gern es individuells Agebot.
Im Früehlig 2018 händ mir (Steffi & Jan) us Freud am Choche und Kreiere de Feinchreis entwicklet. Mit eusem mobile Stand wänd mir uf e unkomplizierti, nachhaltigi Art s‘kulinarische Aagebot i de Schwiiz um e uusgwogeni, riichhaltigi und vor allem feini Streetfood-Möglichkeit erwiitere.
S‘Herz vo eusem kulinarische Konzept isch de Buechweize, wo wertvolli Eigeschafte i sich birgt:
